News
Rückblick - Retrospectiva - Retrospettiva - 2021
Liabi Fründa vu Graubünda
Nochdem s ersta halba Johr vum 2021 vu Vereins-Sita her eher ruhig gsi isch, hemmer könna im Herbstsemester noch ama Johr entli wieder 2-3 events organisiara!
Agfanga hets im Oktober mit amana Pub-Quiz im Stall 6. In 5 Rundana hend TeilnehmerInna, in Gruppa, Froga müassa benantworta, us verschiednigsta Kategoria. Vu Sport bis zu Disney Film isch alles dabi gsi. Zumna gspeesta Biar het ma sich könna unterhalta, lacha und knobla bis d Köpf grüchet hend.
Als witera Event hemmer a Challenge-night ufd Bei brocht. 7 Teams hend geganand in verschiedana Disziplina s besta geh ! Noch ara intensiva Kopfarbet zum Brucka baua hets ah körperlichi ufgab geh, nemlich an Blinda-Parkour! Passend zum mystischa November hets an Helloween-Schmink contest geh sowia a manderinli-schäli challenge! Zu dem ganza het ma immer wieder a neus Biar kriagt zum d Marka davo usazfinda. Dank dr Fiederiser Heuberga und am Sportzentrum Flims, hend d’ Podestplätz cooli Prisa kriagt!
Als Sportevent vu dem Johr het sich as 7 Köpfigs-Team fürd Volley-night ahgmolda. Wia immer bi spiel und spass, mitmacha isch alles und s team het döffa uspowered hei go pfusa. An dera Stell, Danka dr ÖKK fürd übernahm vum Startgeld!
Und zu guater letzt hemmer üses ersta Nachseminar-hosting töffa durafüahra. Üsi «Season-opening» Party het super spass gmacht und durch üsa Dosawerf-stand hemmer vieli neui Gsichter gseh und s einta oder andera Biar gspeest.
As isch sehr an Lustiga obed gsi und miar hoffend fest das miar nit z’letztamol döt gsi sind. As isch schwirig in sertiga Zita an Verein ufrechts bhalta, aber nu schu dia klina events zauberend da Menscha as lächla ins Gsicht, was üs als Vorstand motiviart immer wieder events z’ gstallta und sich da aktuella situationa ahzpassa. Mir freuend üs ufs 2022!
Bis bald Eura Vorstand
Vereinsjahr 2021
Was das Johr alles uf üs zuakunnt, isch no recht ungwüss. Miar sind abr optimistisch, dass miar einigi vu üsa Events durafüahra könnd. Provisorisch gseht üses Programm so us:*
| 01.10.2021 | [Abgesagt] Völki-Turniar ASVZ |
| 07.10.2021 | Pub-Quiz |
| 03.11.2021 | Spieliobed |
| 18.11.2021 | [Abgesagt] Bündnerfest |
| 03.12.2021 | Volleynight ASVZ |
| 09.12.2021 | !PARTY! Hosting Nachtseminar |
| 24.02.2022 | GV 2022 |
Die Events sind ausschliesslich für Bündnerclub Mitglieder (ausgenommen Bündnerfest). Wie man Mitglied wird, erfährst du hier. Mitglieder erhalten Informationen zu den Events per Mail.
*
Igl ei aunc ualti malsegir, tgei che spetga nus el futur. Nus essan denton optimistics da saver organisar entgins da noss events.
Cosa ca al prosim ann al ga in serbo par noaltri al la sa nüsün, noaltri restum però ottimisti ca almenu na part da i eventi dal programma sa gariarà a i fa.
Rückblick - GV 2021
--- Versiun romontscha suonda sut ---
--- Version in Puschiavin gionfont ---
Dr März het für üs mit dr alljöhrlicha GV agfanga. Das Johr het sie abr, wia so vieles andera, nit im üblicha Format mit aschlüssendem Apero könna stattfinda, sondern miar hend üs uf Zoom troffa.
Leider het dr Vorstand sich ir GV vum 01.03.21 vum Fabio als Vizepräsident vrabschieda müassa. Er bliebt üs abr witerhin als Revisor erhalta.
Dr Vorstand bestoht neu us viar Mitglieder:
• Alissa: Präsidentin
• Linda: Vizepräsidentin & Kommunikation
• Jonas: Finanza
• Sabina: Aktuarin
Was das Johr alles uf üs zuakunnt, isch no recht ungwüss. Miar sind abr optimistisch, dass miar einigi vu üsa Events durafüahra könnd. Provisorisch gseht üses Programm so us:
• Bowling: April 2021
• SOLA & Grillade: 08.05.2021
• Grillade Chinawiese: Mai 2021
• Völki-Turnier ASVZ: 01.10. 2021
• Pub Quiz: 23.09.2021
• Bündner Fest: 18.11.2021
• Volleynight ASVZ: 23.11.2021
• Helferessen Bündnerfest: 07.12.2021
• GV 2022: 24.02.2021
Miar freuen üs, hoffentlich bald wieder vieli vu eu z gseh & guati Stunda zäma z vrbringa.
Eura Vorstand
Rückblick - Retrospectiva - Retrospettiva - 2020
--- Versiun romontscha suonda sut ---
--- Version in Puschiavin gionfont ---
Liebe Bündnerclub Mitglieder
Und scho isch wieder bald es Johr uma. Das 2020 hät üs jo einiges beschert, aber miar hoffent natürli, dass du guat au durch das Johr ko bisch.
Rückblick:
Vereinstechnisch hend miar müessa das Johr uf einiges verzichta. Allem vorus isch do natürli s’Bündnerfest wo üs normalerwiis immer im November a riisa Party beschert hät.
Abr au anderi jöhrlichi Events, unter anderem z’beliabta Bowling und d’gmüatlichi Grillada im Summer, hät ma müassa absega.
Grad amol 3 Events hät ma das Johr düragfüahrt:
Als erstes, no bevor d’Pandemie würkli ir Schwiiz ako isch, händ miar as schneerichs Ski-Weekend in da Fideriser Heuberge mit 20 Mitglieder ka.
Denn im spohta Summer händ miar einersitz am Völki-Turnier vom ASVZ mitgmacht, sowia au as Pub-Quiz im Stall 6 für üsi Mitglieder organisiart.
Miar vom Bündnerclub Vorstand sind super glücklich, dass wenigstens zu dena weniga Events, vieli Mitglieder erschiena sind und ma au einigi neui Gsichter kenna glernt hät.
Jetzt hoffen mr eifach no, dass mr nöchst Johr wieder einigi Events meh könnt für eu verastalta!
Zukunft (wichtig!):
Damit denn würkli au nöchst Johr (und ir zuakunft generell) dr Bündnerclub wieder kann as Bündnerfest, sowia au üseri andera Events verastalta, bruchts au as paar motiviarti Lüt wo mängisch kli apacken. Kurz gseit:
miar sind uf dr Suachi noch neua Vorstandsmitglieder odr sustiga freiwilliga Helfer!
Und glaub üs, dia meista Arbeita sind weder kompliziart, no benötigen sie viel Ziit, und Unterstützig kriagt ma vo da Altigsessena au immer. Abr d’Arbeita müand dennoch gmacht werda, damit an Verein wia dr Bündnerclub kann öppis sina Mitglieder abüta.
Falls Interessa oder a Frog hesch, meld di doch bi üs (
Abschluss:
(Für alli wo no am lesa sind)
Dr Bünnderclub Zürich Vorstand wünscht diar schöni Wiahnachta, an guata Rutsch oder au eifach schöni Winterferia,
und hoffentlich bis bald denn wieder.
Weiterlesen: Rückblick - Retrospectiva - Retrospettiva - 2020
Fragen?
Gut ins Semester gestartet? Neu in Zürich oder Basisjahr vorbei?
Gibt es für deinen Einstieg in die Uni oder das Leben in der nuen Stadt noch einiges zu organisieren oder viele Fragen, die dich beschäftigen?
Wir möchten dir dabei helfen einen sorglosen Start zu erleben und stehen dir für sämtliche Fragen und Anliegen zur Verfügung.
Seite 2 von 3